CENTRAL VISAYAS-Gireport sa Police Regional Office – Central Visayas (PRO-7) nga miubos ang ihap sa krimen sa rehiyon sa Central Visayas sa unang upat ka buwan katong tuig 2025.
Sumala pa sa datos niini nga sukad pa Enero hangtod Abril kay nakahipos lang kini og 198 ka mga focus crimes nga mga natala sa rehiyon nga mas ubos kun itandi sa 253 ka mga krimen sa susamang panahon niadtong 2024.
Ang mga focus crimes kay mao ang carnapping, homicide, murder, theft, robbery, rape. ug physical injuries.
Gitumbok sa PRO-7 ang pagkunhod sa krimen kay tungod sa mas gipalambo nga police presence sa mga crime-prone areas.
Kini usa ka lakang sa proactive police interventions nga nakatabang sa pag-sustiner ug pagpalambo sa peace and order sa rehiyon.
Lakip sa mga anti-crime measures nga gi-implementar sa PRO-7 kay ang “Oplan Bulabug” diin mu-rescue sa mga menor-de-edad nga nakalapas sa curfew hours.
Ingon man nga niadtong nakalabayng buwan kay gilusad san sa PRO-7 ang labing-unang Emergency Alert Button App nga nagsilbing alert system sa mga patigayon aron sa pagsampit sa police assistance ilabi na sa mga emerhensiya.
