CEBU – Nahimong No. 1 ang Team PNP Region 7 aggressive law enforcement operations sa kampanya batok sa ilegal nga drugas atol sa 4 ka adlaw nga anti-illegal drug operation sa tibuok nasod, diin dul-an sa P9 milyones nga kantidad sa shabu ang nasakmit.
Sa pagkutlo sa report gikan sa National Headquarters, natala sa PRO7 ang pinakataas nga ihap sa mga operasyon nga gihimo, ang pinakataas nga pagdakop sa mga high-value nga indibidwal, ug ang pinakataas nga volume sa shabu nga nasakmit gikan sa Nobyembre 26 hangtod 29, 2022.
Kung diin ang mga consolidated reports sa anti-illegal drug kalamposan sa 17 ka police regional offices sa tibuok nasod.
Sa 4 ka adlaw nga operasyon sa kapulisan, 193 ka mga drug suspect ang nasikop sa 155 ka operasyon niini ug nasakmit ang 1,311.33 gramos nga shabu ug 15 gramos nga high-grade Kush Marijuana, ug ang tanan adunay gibanabanang Standard Drug Price value nga PhP8,939,544.00.
Dugang pa, adunay kinatibuk-an nga 167 ka mga kaso sa droga ang nasang-at sa samang panahon.
Gidayeg ni PRO 7 Director Police Brigadier General Roderick Augustus Alba ang iyang Team Bisdak Cops tungod niining talagsaong kahimoan sa pagpasiugda sa labing taas nga sukdanan sa serbisyo sa kapolisan alang sa kaayohan sa komunidad nga ilang gipanumpaan nga alagaran ug panalipdan.
Gidugang ni BGen Alba nga ang dili matarug nga mga paningkamot sa pagbuhat ug labaw pa, hinungdan nga adunay maayung resulta sa padayon nga pagdasig sa tanan matag adlaw ug ang mga Kumander nga nahimong maayung ihimplo.
