PRO-7 RD, CSupt. Sinas: ‘Walay angayan ikabalaka ang mga negosyante sa mga patay sa Cebu’

Cebu City-Gihupay ni Police Chief Supt Debold Sinas, ang regional director sa Police Regional Office 7 ang kabalaka sa mga negosyante kabahin sa sunud sunud nga patay nga nahitabo sa Sugbo.

Matud ni Sinas nga walay angay nga ikabalaka ang mga negosyante gumikan kay ang tanang patay nga nahitabo ang duna gayud rason.

Gipasalig usab niini nga makig-alayon ang kapulisan sa business sector aron nga hisgutan ang ilahang mga concerns.

Matud pa nga suportado man gane sa mga business sector ang kapulisan pinaagi sa paghatag og tabang sa mga pulis nga dunay giatubang nga kasop subay sa ilang pagbuhat sa ilahang trabaho.