CEBU-Mopatuman og “one-strike policy”ang Police Regional Office Central Visayas (PRO 7) batok sa mga hepe sa police station nga dili maayo og performance sa pagwagtang sa e-sabong, o online cockfighting operations, sa ilang tagsa-tagsa ka hurisdiksyon.
Kini ang gibutyag ni PRO 7 Director Brig. Gen. Roderick Augustus Alba nga ang one-strike policy nagtumong sa pagpahimangno sa mga opisyal sa kapolisan ubos sa iyang pagbantay nga dili niya itugot ang ilang kapakyasan sa pagsulbad sa ilegal nga sugal.
Sa miaging semana, kapin sa 300 ka e-sabong bettors ug operators ang nasikop sa PRO 7.
Matod ni Alba nga dili sila mohunong hangtod nga dili nila mabutang ang tanan nga mga kalihokan sa ilegal nga sugal sa rehiyon, lakip na ang dili awtorisado nga mga numero sa dula nga swertres.
