Niingun ang Malacañang nga bug-os nga suportado ni Presidente Ferdinand R. Marcos Jr. ang pagpalig-on sa transparency ug accountability sa gobyerno, taliwala sa gisugyot nga balaod nga nagmando sa mga opisyal sa publiko nga isalikway ang ilang mga bank secrecy rights.
Kahinomdoman nga si Senate President Francis Escudero una nang niduso og lakang nga nagmando sa tanang public officials ug empleyado sa pag-waive sa ilang katungod ubos sa Republic Act No. 1405, o ang Law on the Secrecy of Bank Deposits, ug Republic Act No. 6426, o ang Foreign Currency Deposit Act.
Pasabot niini, ang mga kawani sa gobyerno kinahanglang mosumitir og written waiver nga magtugot sa Office of the Ombudsman sa pagsusi sa tanan nilang deposito ug investments, lakip na ang foreign currency accounts, sa bag-ong tinguha sa pagpalig-on sa mga paningkamot batok sa korapsyon ug pagpalig-on sa pagsalig sa publiko sa mga institusyon sa gobyerno—gawas niadtong nagserbisyo sa usa ka honorary capacity.
Luyo sa pagpaningkamot sa pag-institutionalize sa mandatory waiver gisang-at sa nangaging mga Kongreso, wala pa makakuha og igong traksyon aron mahimong balaod.
Busa, subay sa pagduso sa balaudnon, si Escudero miingon nga ang bank secrecy rights sa bangko, samtang gipatuman sa kasaysayan aron sa pagdasig sa pagtipig ug pag-uswag sa ekonomiya, karon naglihok isip taming sa gidili nga kalihokan.|Bombo Irene Ardiente
