CEBU – Nipahimangno si Police Brigadier General Roque Eduardo Vega, ang direktor sa Police Regional Office sa Central Visayas (PRO-7),sa mga masalaypon nga polis sa Central Visayas sa pag-umol sa ilang serbisyo ug dili moapil sa mga ilegal nga kalihukan kay segurado nga mag-atubang sila og matarong nga sangputanan.
Kini ang pamahayag ni Vega human nasikop ang usa ka pulis ug iyang kaubanan nga giingong nangawat og cable wires nga nagkantidad og P50,000 sa Barangay Guadalupe, dakbayan sa Sugbo niadtong Sabado, Mayo 30, 2022.
Giila ni Vega ang mga suspek nga sila si Police Staff Sergeant Joel Superales Soliva Jr, 37, taga Canmano, Dagbayan sa Bohol ug kauban niini nga si Peter Lou Catulong “Ikloy” Bantilo, 23, taga B. Rodriguez St, Sitio Kalubihan, Brgy. Sambag II, dakbayan sa Sugbo.
Nasikop ang mga suspek human giingong nangawat og 4 ngadto sa 5 metros nga itom nga cable wires.
