GITINO ni Racquel Arce, ang head sa Prevention Restoration Order Beautification Enhancement (Probe) Team sa Sugbo nga dunay pay area sa downtown ang wala pa nila ma-intrigar sa DILG hinungdan nga wala pa nila kini ma-clear.
Kini subay sa reklamo sa usa sa mga vendors sa Public United Street Vendors Association (PUSVA) nga matud pa dunay gipaboran sa Arce.
Kini tungod kay ang head sa PUSVA nga si Edna Nilizo ang naa pa matud pwesto sa may dalan sa Metro ug wala gi-apil sa clearing operation.
Dugang pa usab niini, wala na matud pa makahatag si Nilizo sa funding sa ilang asosasyon tungod kay nahurot na ang ilang pundo.
Sigon sa mga vendors nga kini tungod usab kay matag naay selebrasyon sama sa birthday ni Arce ila kining pakan-on hayan nagduda kini nga naay pabor-pabor nga nahitabo.
Apan nagkanayon ang head sa probe nga si Nilizo naa na sa Tabo sa Banay apan ang anak lang niini ang naa sa may Metro.
Gani, naa pay ubang vendors ang mipwesto sa maong dapit tungod kay gitagaan pa og kahigayonan sa Probe tungod kay wala pa sila miabot og ‘clearing’ dinhing dapita.
Ang lugar nga wala pa ma-intrigar sa DILG mao ang P. Lopez,Borromeo ug Manalili apan muabot matud pa sa gihapon ang higayon nga ila kining limpyohon.
Samtang,gitubag usab ni Arce ang issue sa matud pa pagpakaon kaniya. Pagtino ni Arce nga makapakaon matud pa ang vendors sa panahon nga maabtan na sila og gabii sa ilang seminar, butang nga gitoohan ni Arce nga tim-os ang intention nila human nga siya usab mi-extend sa iyang working hours para lang ma-meeting ang vendors.
Kung himoon kining issue matud pa sa pangu sa probe iya nalang kining bayran.
‘GITULISOK?’
Nahi-ubos si Edna Nilizo, ang presidente sa Public United Street Vendors Association (PUSVA) sa iyang mga sakop human nga kini wala na matud pa makahatag sa ilang pundo ug gireklamo nga gipaboran ni Racquel Arce kinsang head sa Probe.
Sigon ni Nilizo nga gitulisok matud pa siya sa iyang mga sakop butang nga iyang gikasakit nga unta siya mitabang nga matabangan ang iyang sakop.
Gani niadtong adlaw nga walay halin ang mga vendors sa tabo sa banay, iya matud pa kining gitagaan, maghilak matud pa kini tungod kay walay pilite, iya usab nga tagaan.
Hayan sa iyang kahi-ubos wala siya maninda sa Tabo sa Banay apan ang iyang anak, giangkon ni Nilizo nga duna kini pwesto sa Metro sanglit wala pa kini maapil pag-intrigar sa DILG.
