Nagpaabot na lang ang opisina sa Cebu City Prevention, Restoration, Order, Beautification, and Enhancement (PROBE) og direktiba gikan ni Mayor Edgardo Labella nga magpahigayon og clearing operation sa mga informal settlers nga nagpuyo duol sa Mahiga Creek.
Kini human nga mipahibalo si Simeon Romarate, ang head sa Cebu City Development Welfare for Urban Poor (DWUP), nga mikuha na sila og data sa mga pamilyang apektado sa ipahigayong clearing operation duol sa maong sapa.
Kuhaon sa DWUP kung pila ang ihap sa mga pamilya nga nagpuyo sa daplin sa Mahiga Creek, nga nagsumpay sa Butuanon River.
Matud ni PROBE head Raquel Arce nga igo lang silang mo-clearing samtang ang DWUP na maoy bahala kung asa ibutang ang ihap sa mga apektadong pamilya.
Kahinumdumang nagpositibo sa poliovirus ang Butuanon River ug nagtadlas niini ang dakbayan sa Sugbo kung diin ang sumpay sa maong sapa mao ang Mahiga Creek. (with reports by Bombo Jun Salde/GN)
