Cebu City-Red alert status karon ang probinsya sa Cebu samtang yellow alert status ang siyudad sa Cebu nunot sa walay puas nga pag-uwan sukad pa niadtong nakalabay nga mga adlaw.
Matud kang Baltazar Tribunalo Jr. ang head sa Provincial Disaster Risk Reduction Management Office nga hugot nila nga gi-monitor nila karon ang mga danger zone areas.Tungod sa walay hunong nga pag-uwan gikabalak-an karon ang landslide ug ang pagbaha tungod kay naa naman mga reported areas nga msisaka na ang tubig sapa.
Giingong usab ni Tribunalo nga ang siyudad sa Toledo nga gibaha niadtong pag-igo ni Bagyong Vinta aduna na usab pagsaka sa tubig sapa karon.Nagsugod na usab nga mihumok ang mga yuta hayan posibe nga adunay mamahimong landslide.
Nakig-alayon na ang PDDRMO sa cebu governor ug sa PAGASA para magpagawas og desisyon karong gabii o ugma kung magkanselar ba sa klase sa tanang eskwelahan.
Samtang nagkanselar na sa klase ang Bogo City, Cebu. Gitino usab ni Tribunalo nga ing-aning dili muhunong ang ulan automatic nga muhiklin na ang mga nagpuyo sa mga danger zone.
Aduna na usab mga evacuation center nga naka-andam para sa mga residentenga muhiklin.
Pahimangno usab ni Tribunalo sa publiko nga mamahimong andam kanunay . Muhiklin na dayon para dili na madisgrasya pa.
