Cebu City-Magpahigayon ug programa ang Probinsya sa Bohol ugmang adlawa isip paghandum sa usa ka tuig nga kasumaran sa pagsulod sa Abu Sayyaf Group nga nakapaukay sa mga residente sa Bohol.
Subay niini dunay ipahigayong Security For Everyone (SAFE) Program ang probinsya ugmang adlawa,Abril 11 sa kasamtangang tuig.Matoo ni Bohol Governor Edgar Chatto nga ang maong adlaw ang ilang tawgon nga “Heroism Day” diin sa maong adlaw gipangihusgan nila ang pagkahiusa sa mga Bol-anon aron nga mapakigbatukan ug matudlo sa mga otoridad ang gihimutangan sa mga bandidong grupo nga nagdala ug kasamok sa ilang lugar.
Matud pa niini nga tumong sa maong aktibidad nga malusad ang adbokasya kalabot sa seguridad para sa Bol-anon ingun man pagrespetuhanay sa usag-usa. Adunay ipahigayon nga re-enactment sa mga panghitabo diin highlight niini ang ang dakong parte nga nahimo sa mga sibilyan sa pag report dayun hinungdan nga daling napakgang ang bandidong grupo ingon man ang mga tawo nga buot unta mu rescue kanila.
Gumikan sa nahitabo kaniadto nga kagubot sa maong dapit, gibutyag ni Chatto nga nisamot ang pagkasecurity conscious sa mga residente . Gani, kung ugaling adunay mga namatikdan ang katawhan nga kadudahan nga mga sitwasyon o tawo, matud pa paspas ang reporting system sa maong dapit inabagan na usab sa gipanggamit nga teknolohiya diin nahimo na usab nga upgraded.
Mutambong usab sa maong ipahigayong prorama maop ang mga kadagkuan sa AFP Central Command nga gipangvuluhan ni Lt . General Paul Atal. Nanghinaot usab ang opisyal nga mamahimong sumbanan sa uban pang lugar ang gipakitang panaghiusa sa mga residente sa Bohol aron mapabilin ang kalinaw sa ilang lugar.
