CENTRAL VISAYAS-Giaprobahan na sa Philippine National Police ang pagtudlo sa bag-ong Provincial Director sa Siquijor Police Provincial Office.
Diin si Pcol Emelie D. Santos, ang Hepe sa Regional Community Affairs Development Division, opisyal na nga nilingkod sa katungdanan sa bag-ong Provincial Director atol sa seremonyas nga gipahigayon sa Police Regional Office 7 Headquarters sa Camp Sergio/serhiyo Osmeña Sr., Cebu City nga gipangulohan ang turnover ni PRO7 Regional Director PBGEN ANTHONY ABERIN.
Usa ka miyembro sa PNPA Class 2000, si PCol Santos nga mipadayag sa iyang pasalig sa pagpadayon sa mga nahimo sa iyang gisundan ug pagsiguro sa kaluwasan ug kalinaw sa katawhan sa Siquijor ug sa iyang team sa SPPO ubos sa iyang pamunoan nga nakatutok sa Excellence in performing tasks, Dependability with Integrity, ug sinsero nga serbisyo publiko nga adunay kinasingkasing nga pamaagi.
Samtang, ang outgoing Provincial Director, nga si PCol Robert D. Lingbawan kay nipadayag nga ang iyang 2 ka tuig, 5 ka bulan, ug 5 ka adlaw isip Provincial Director mao ang labing mahagiton apan fulfilling nga pagdumala sa naasoy nga Probinsya.
Iyang gipaabot ang iyang pasalamat sa liderato sa PRO7 sa pagsalig nga gihatag kaniya atol sa iyang pagserbisyo sa probinsiya.
Subay niini, mihatag og pahalipay si PBGEN ANTHONY ABERIN sa mga incoming ug outgoing Provincial Directors diin gipaambit niya ang iyang nostalgia atol sa seremonyas, nga naghandom sa iyang panahon isip Provincial Director sa lalawigan sa Tawi-tawi, nga, sama sa probinsya sa Siquijor nga nagmalinawon.
