Gipaambit ni Ainjeliz dela Torre-Orong, ang Public Information Officer sa Probinsya sa Sugbo, nga una nga nahitabo sa milabayng taas nga panahon nga ang Probinsya sa Sugbo nipadangat og suporta alang sa mga deligado sa Rehiyon VII alang sa Palarong Pambansa karong tuiga.
Dugang paambit ni Orong, ang maong impormasyon gagikan mismo sa Department of Education (DepEd) ug sa mga players sa Palarong Pambansa nga ang Provincial Government mihatag og allowance nila.
Gitino usab ni Orong atol sa eksklusibong pakighinabi sa Bombo Radyo Cebu kaniya, nga tagsa-tagsa kining nakadawat og P5,000.00 ang 153 ka mga deligasyon sa Cebu Province, diin lakip na niini ang mga coaches, ug ang maong kantidad usba personal nga gihatud sa chief of staff sa Probinsya sa Sugbo sa Prosperidad, Agusan del Sur.
Giklaro usab ni Orong nga ang P5,000.00 dili makuhaan alang sa pangkaon sa mga deligado, diin basi sa gikabutyag ni Schools Division Superintendent for DepEd Cebu Province Dr. Senen Priscilo P. Paulin, mapasalamaton kayo ang mga estudyante kay makapalit-palit sila sa ilahang kaugalingong ganahang paliton.
