CEBU CITY-Angayan nga tutukan gayud sa gobyerno ang tanang matang sa pagmina sa nasud.
Sa programa Bombohanay Bigtime, gibutyag ni kanhi Department of Environment Secretaru Gina Lopez nga pagkahuman sa pagresoba sa Boracay, kinahanglan nga tutukan na gayud ni Presidente Rodrigo Duterte ang problema nga dala sa mga minahan sa nasud.
Matud ni Lopez nga ang tibuok nasud ang nabutanga sa peligro tungud sa sige nga pagmina.
Sigon pa ni Lopez nga adunahan kaayo ang kalikupan sa nasud maong angayan kining ampingan aron dili mawala.
Dili lang usab pagmina maoy makatabang sa mga residente diin matud ni Lopez nga daghan untang mga pamaagi aron mahaw-as sa pagmina ug kapobrehon ang mga tawo.
Gitugyan na lamang niini sa Presidente ang tanan gumikan kay nasayod man kini nga anaa gyud sa mga pobre ang kasingkasing niini
