Dakong kasagmuyo sa mga lumolupyo ug usab sa mga opisyales sa Barangay Libjo, Tabogon, Cebu, kini human nadatnan nila ang nagtambak nga mga medical wastes sama sa syringe, dialysis tubing, medical tubing, ug uban pa, niadtong Hunyo 24, 2025.
Napalgan kining mga medical wastes gikan sa usa ka medical laboratory sa Bogo City, Cebu, diin nakompirmar human adunay mga nakabutang nga pangalan niini.
Busa, desidido ang konseho sa Barangay Libjo, Tabogon nga mosang-at og kaso batok sa kung kinsa man ang nangu, ug responsible sa maong binuhatan.
Subay niini, nihatag og pamahayag si Dr. Joshua G. Brillantes, ang Regional Director sa Department of Health (DOH) Central Visayas, kabahin sa maong isyu ug nihatag og pahimangno kini s mga health care facilities nga kini nga matang non-negotiable ilabi na ang kabahin sa segregation of infectious waste, diin buot pasabot, gikinahnglan nga dapat sundon ang mga lagda sa proper waste disposal.
