Gipahibalo ni House Private Prosecutor Lorna Kapunan nga gusto sa prosecution panel nga ipresentar si Bise Presidente Sara Duterte isip ilang saksi sa impeachment trial.
Tungod niini, nakahukom ang prosecution side nga dili na ipresentar ang ilang nahabiling mga saksi alang sa Article I.
Sumala ni Kapunan, mangayo sila og opisyal nga subpoena alang sa bise presidente human mapresentar ang tanang Articles of Impeachment.
Tumong sa prosecution nga direktang makuha ang pahayag ug panig sa bise presidente bahin sa mga alegasyon batok kaniya atubangan sa impeachment court.
Mitubag niini ang lead defense counsel nga si Atty. Shiela Sison ug mipahayag nga klaro sa Konstitusyon ug jurisprudence nga dili mahimong pugson ang akusado sa pagtestigo alang sa prosekusyon.
Sumala ni Sison, ang akusado dili mapugos sa pagtestigo batok sa iyang kaugalingon.
