Gisugdan na sa gobyerno sa Indonesia ang pagbalhin ang Mary Jane Veloso pabalik sa Pilipinas.
Basi sa gipagawas nga suwat sa DFA, nga gikatakdang mobiyahe si Mary Jane paingon sa Jakarta aron sugdan ang proseso sa iyang pagbalhin balik sa nasod.
Diin ang pagbalhin ni Mary Jane sa Jakarta gibasi sa mando sa Indonesian Ministry for Law, Human Rights, Immigration ug Corrections.
Samtang, ang pamilyang Veloso nipadayag og kaguol tungod sa nakanselar ang ilang biyahe sa Indonesia aron bisitahon si Mary Jane Veloso.
Sa pamahayag sa pamilya, nakadawat usab sila og suwat gikan sa Department of Foreign Affairs (DFA) nga dili na ipadayon ang ilang biyahe nga gikatakda karong adlawa, Disyembre 16 hangtod 17.
Apan, bisan paman niini dako ang ilang pasalamat ug kalipay nga human sa usa ka tuig gikan sa ilang ulahing pagbisita kay makita na nila kini pagbalik.
Sa pagkakaron wala pay gitakdang adlaw o petsa kanus-a makauli si Mary Veloso.
Kung mahinumduman, giingon sa gobyerno nga ang Pinay drug mule convict makauli sa dili pa ang Pasko nunot sa pag-uyon nga makauli kini sa Pilipinas nga walay kondisyon.
