Dili tugutan sa Philippine Statistics Authority 7 ang mga indibidwal nga mogamit og peke nga identification cards kini human adunay usa ka tawo nga nasakpan nga nigamit og peke nga national ID.
Mao kini ang gipaambit ni Melchor B. Bautista, Chief Statistical Specialist PSA – Cebu PSO nga gitaho kini sa kapulisan sa Police Station 6 – Sawang Calero sa maong ahensya.
Busa, pahugtan sa buhatan ang pag-monitor o pag-imbistiga sa mga tawong mogamit og peke.
Gani, nagpahigayon og pagdungog sa Municipal Trial Court in Cities, Branch 01, Cebu City, Court Hearing on Violation of the Philippine Identification system ACT o RA 11055 nga nagdili sa dili awtorisado nga paggamit o pagpanag-iya sa Phil id, ingon man ang pagpanag-iya sa peke o falsified philids.
Gipasiugda sa PSA 7ang hugot nga mga lakang aron mapanalipdan ang integridad sa philsys ug lig-ong mobarugan ang pakigbatok sa ilegal ug malimbongong mga kalihokan. | via Bombo Rocky Lavarez
