Nanghangyo ang pamunuan sa Philippine Statistics Authority – Central Visayas Regional Office (PSA-7) sa mga tig-balay ug nanag-iya og mga establisyemento nga hangupon ug mupartisipar sa mga mubisitang enumerators gikan sa ilang ahensya sa gipahigayon og door-to-door survey diri sa rehiyon.
Kini ang sugyot ni Felixberto Sato Jr., ang Officer-in-Charge sa Cebu Provincial Statistical Office sa sa eksklusibong pakighinabi niini sa Bombo Radyo Cebu News Team nga matod pa nga ang ilang mga sakop kay nagkuha og statistical datas nga dakong tabang sa pagsuta sa gobyerno sa kahimtang sa kinabuhi sa matag Pilipino.
Sumala pa nga ang pagkuha sa mga importanteng impormasyon kay makaabag kung asa igahin sa gobyerno ang pundo ug resources niini sa pipila ka mga serbisyo sama sa panglawas, trabaho ug uban pa.
Mamahimo sab nga mahimuslan sa ubang sektor ang ilang mga datos nga majkuha sa ilang pagpalambo sa policy-making ug pagsulbad sa mga suliran sa katilingban.
Gihisgot sab niini nga mailhan ang ilang mga lehitimong enumerators kung aduna kiniy ID nga gisul-ob nga pirmado sa pangu sa Cebu Provincial Statistical Office, adunay mapakitang Letter of Information, ug nakig-coordinate sa local government unit ilabi na sa barangay aron dili malimbong ang uban sa magpaka-aron ingnon nga enumerator sa PSA.
Nahisgutan sab ni Sato sa pipila sa mga problema sa ilang mga enumerators kay ang mga binuhing hayop sa mga tigbalay o sa mga establisyemento sama nalang sa iro nga mugukod kanila diin ilang hangyo sa mga tag-iya nag ilang kooperasyon aron matuman sa mga enumerators ang ilang tahas sa pagkuha og datos pinaagi sa survey.
Hinaot sa ahensya nga kung maabagan sila sa ilang tahas kay makatampo kini og dako sa paggiya og saktong impormasyon sa pagpandan og mga polisiya sa pampublikong sektor man or sa pribado.
