Nakatala og 3.3% inflation rate ang Philippine Statistics Authority Region 7 sa buwan sa Nobyembre, mas taas sa kumpara sa buwan sa Oktubre nga aduna lay 2.5% inflation rate sa mga nag-unang palaliton og mga serbisyo.
Matud ni Philippine Statistics Authority Region 7 Regional Director Wilma A. Perante nga mas grabe ang pagsaka sa mga nag-unang palaliton og serbisyo sa buwan sa Nobyembre kung ikumpara sa buwan sa Oktubre diri sa Visayas.
Sigon ni Perante, nga usa ang transportasyon sa mga rason nga adunay pagsaka usab sa inflation rate diin adunay 5.9% sa buwan sa Novyembre ug laing 1.0% sa buwan sa Oktubre.
Mitaas usab ang food and non alcoholic beverages nga adunay 3.5% lain usab nga 2.9% sa buwan usab sa Oktubre, Lain usab nga adunay pagtaas sa housing, electricity, gas ug laing matang sa lana nga adunay 4.0% nga pagtaas sa kasamtangang buwan og laing 3.1% ang natala sa buwan sa Oktubre.
Sigon usab ni Perante, nga usa nakaapekto sa maong pagtaas sa mga palaliton mao tungod sa paghinay sa pag-ubos sa presyo sa mga agricultural products hilabi na sa rice productions nga maoy primerong panginahanglanon sa mga tawo.
Dugang usab niini, nga nakadugang usab sa pagtaas sa presyo ang mga natala nga kadaot sa mga produktong pandagat sama sa isda og lain-laing mga klase nga produktong dagat tungod sa bagyo, nga nakatala og 19.3% nga pagtaas sa buwan sa Nobyembre kumpara sa 16.3% sa nalabayng buwan.
Gihimug-atan usab sa Department of Agriculture nga grabe usab ang pagtaas sa presyo sa mga agricultural products sama sa mga prutas, saging og mga utanon nga grabeng naapektuhan sa bagyo.
