CEBU CITY-Dili na tugutan nga molatas sa usa ka bahin sa Osmeña Boulevard ang mga tradisyunal nga public utility jeepneys (TPUJs) sa higayon nga magsugod na ang mga bus sa Cebu Bus Rapid Transit (CBRT) sa Disyembre.
Nianang panahona, ang mga TPUJ nga adunay mga ruta nga sakop sa CBRT mahimo na nga magdala og mga pasahero hangtod sa mga istasyon sa bus sa CBRT.
Alang sa Package 1, nga adunay gilay-on nga 2.38 kilometros gikan sa Cebu Provincial Capitol hangtod sa Cebu South Bus Terminal, ang mga istasyon nahimutang sa Cebu South Bus Terminal, Cebu Normal University (CNU), libot sa Fuente Osmeña Circle ug Cebu Provincial Capitol .
Matud pa ni CBRT project manager Norvin Imbong, nga ang mga rota sa TPUJ ipaubos sa Local Public Transport Route Plan (LPTRP) nga umol sa Cebu City Government.
Niini, ang mga rota sa TPUJ dili angayan nga makigkompetensya sa mga rota sa CBRT bus.
