Cebu City-Gipusil patay ang usa ka pulis sa wala pa mailhing mamumuno sa may national highway Brgy. Linao,Lipata lungsod sa Minglanilla Cebu kaganihang hapon.
Giila ang biktima ng si PO2 Romeo Bolaño, 49 anyos ug residente sa Camella Homes Subdivision sa Brgy. Lawaan Talisay. Samtang samdan ang iyang kauban nga si Clifford Zamora human naigo sa tiil.
Matud ni PO3 Niki Carlo Clarisan nga nakapark lang matud pa ang sakayanan sa biktma sa naasoy nga highway sa dihang kalit miabot ang usa ka sakyanan nga kolor green ug mipusil sa biktima nga naa sulod sa iyang sakyanan.
Gidala pa ang biktima nga naka-angkon og igo sa nagkada-iyang parte sa iyang lawas sa tambalanan apan gideklarar na kining dead on arrival.
Wala pa matino kung kinsa ang mga suspetsado sanglit wala na kini minaog pa.
Sa pagkakaron padayon pa nga gisuta sa mga pulis kung kinsa ang responsable ug unsay motibo sa sa pagpatay sa maong pulis.
Padayon pa usab karon nga gi-imbestigaran ug giila ang background sa napatay nga pulis.
