Giabsuwelto sa Manila Regional Trial Court si Pura Luka Vega o Amadeus Fernando Pagente sa tinuod nga kinabuhi kalabot sa kaso nga gipasaka batok kaniya tungod sa iyang viral drag performance nga “Ama Namin” samtang nagsul-ob sa sinina ni Kristo.
Basi sa desisyon sa Korte nga ang prosekusyon napakyas sa pagmatuod sa sala ni Luka “beyond reasonable doubt.” Busa, giabsuwelto siya sa paglapas sa Article 201 sa Revised Penal Code ug Cybercrime Prevention Act of 2012 (RA 10175).
Sa samang higayon, gimando usab sa korte ang pagpagawas sa P72,000 nga piyansa alang sa temporaryong kagawasan ni Luka.
Ang drag performer wala makapugong sa pagpahayag sa iyang pasalamat sa iyang social media alang sa desisyon sa korte.
Bisan og naabsuwelto, gipahinumdoman gihapon sa korte si Luka nga magmatngon sa mga pasundayag, ilabi na kay halapad ang social media.
