Giablihan na ang maanindot nga Pusô Village nga nahimutang doul sa Compania Maritima building ug Cebu City Hall atol sa soft launching event niini kagahapong adlawa, Huwebes, Hulyo 17, 2025.
Ang pagbukas sa Pusô Village kay kabahin sa Carbon Market modernization project diin ang developers nga Cebu2Worlds Development Inc. nga subsidiary sa Megawide Construction Corporation maoy nangulo sa kalihokan.
Magsilbi kining tourism destination commercial area sa dakbayan sa Sugbo diin itanyag ang mga nagkadaiyang culinary heritage sa sa tibuok lalawigan.
Adunay seating capacity sa 700 ka mga tawo ug 486 ka mga sakyanan nga maka-park ang maong dapit ug matanayag sa 40 ngadto sa 50 ka mga food and retails stalls sa pagkakaron diin ang full capacity niini kay naa sa 170.
Kasagaran sa mga nag-operate nga mga food stalls kay kadtong kanhi nahimutang sa bag-o lang gisirado nga The Barracks food park.
Karong adlawa ang official grand opening sa Pusô Village diin overlooking niini ang view sa Mactan Channel ug sa tanyag nga pinakataas nga taytayan sa nasud ang Cebu-Cordova Link Expressway (CCLEX).
