Personal nga nakigkita si Russian President Vladimir Putin kang US Special Envoy Steve Witkoff ug Jared Kushner, umagad ni US President Donald Trump, atol sa ilang pagbisita sa Russia.
Atol sa maong panagkita, nagpasalamat si Witkoff kang Putin sa iyang pag-uyon sa temporaryong paghunong sa mga pag-atake tali sa Russia ug Ukraine.
Matud ni Witkoff, nasabtan niya nga dili sayon ang kasamtangang sitwasyon sa Moscow, ug gikinahanglan niya kining ipasabot ug hisgutan atol sa ilang mga negosasyon.
Ang panagkita kabahin sa mga paningkamot nga mapadayon ang diplomasya tali sa Russia ug Ukraine ug aron mapangita ang posibleng paagi sa paghunong sa gubat.
Human sa ilang pagbisita sa Russia, gikatakdang mopadayon sila Witkoff ug Kushner ngadto sa Ukraine aron ipadayon ang mga diskusyon.
