Nipadayag si Russian President Vladimir Putin og kaandam nga makigkita ug makahinabi personal si Ukrainian President Volodymyr Zelensky.
Kini nunot sa pagdasig ni US President Donald Trump nga kinahanglang mag-estorya ang duha ka lider.
Ug matud pa nga andam kini nga modawat kang Zelensky nga mobisita sa Moscow.
Iyang giklaro nga wala gayud niya gibaliwala ang panag-estorya nila ni Zelensky apan gikwestiyon lang niini ang punto sa nahisgutang tigom.
Samtang, niluwat og panawagan usab si Volodymyr Zelenskiy alang sa dugang nga pagpit-os sa Moscow, gumikan sa padayon nga pag-atake sa ilang energy sector.
Busa, nakaingon kini nga naglaum si Putin nga ang tingtugnaw mopatay sa iyang mga tawo diin ang iyang mga tropa dili makahimo, hinungdan nga nanawagan kini alang sa dugang nga suporta sa air defense.
