RUSSIA- Nipasidaan ang Presidente sa Russia nga si Vladimir Putin nga makonsiderar nga ‘act of war’ kung tangtangon sa North Atlantic Treaty Organization (NATO) ang pagdili sa paggamit sa Ukraine og long-range nga Western missiles sa pag-atake sa Russia.
Matod ni Putin, kini nagpasabot nga ang NATO, nga naglakip sa US ug European nga mga nasud, nakiggubat sa Russia.
Kon gani mahitabo kini, ang Moscow mohimo og usa ka katugbang nga desisyon agi’g tubag sa mga hulga batok kanila.
Ang lider sa Russia mihimo sa ingon nga pahayag nunot sa dayag nga pagka-abli sa US ug NATO nga kaalyado nga mga kasosyo sa posibilidad nga tugutan ang mga pwersa sa Ukraine.
Diin gikatahong mogamit og mga long-range nga sistema sa armas gikan sa Kasadpan aron atakehon ang mga target sa militar sa Russia taliwala sa nagpadayon nga gubat tali sa Russia ug Ukraine sa ikaduhang tuig.
