Nangayo og pasaylo si Presidente Vladimir Putin sa lider sa Azerbaijan nga gitawag sa Kremlin nga usa ka “tragic incident” sa Russia diin ang usa ka eroplano sa Azerbaijan Airlines nahagsa human ang mga depensa sa kahanginan sa Russia gipabuto batok sa mga drone sa Ukraine.
Ang hilabihan ka talagsaon nga pagpangayo og pasaylo ni Putin mao ang labing duol nga Moscow nga midawat sa pipila ka pagbasol alang sa nahitabong trahedya niadtong Miyerkules bisan paman una ng giingon sa Kremlin nga dili ang Russia ang niigo sa eroplano.
Kahinumduman nga ang Flight J2-8243, gikan sa Baku paingon sa Chechen capital Grozny, kay nahagsa duol sa Aktau sa Kazakhstan human nitipas gikan sa habagatang Russia, diin ang mga Ukrainian drone gikataho nga miatake sa pipila ka mga siyudad ug labing menos 38 ka tawo ang namatay.
Gitawagan ni Putin si Presidente Ilham Aliyev ug nangayo og pasaylo sa makalilisang nga insidente nga nahitabo sa kahanginan sa Russia ug sa makausa pa nagpahayag sa iyang lawom ug sinsero nga pahasubo sa mga pamilya sa mga biktima ug nanghinaut nga dali nga maka-recover ang mga nasamdan.
