CEBU CITY — Mipadayag ang Land Transportation Franchising and Regulatory Board (LTFRB)-7 nga apil sa mga makadawat sa Social amelioration program ang mga public utility drivers.
Matud ni LTFRB-7 Director Eduardo Montealto nga igo lang sila nga mo-submit sa datos sa mga drayber aron ma-crossmatch kung makadawat ba kini og P6,000 nga hinabang.
Aron maka-avail sa SAP gikan sa DSWD, kinahanglang nitambong ang driver sa Driver’s Academy Training ug anaa sa usa ka consolidated nga grupo sama lang sa kooperatiba ug uban pa.
Gibutyag usab ni Montealto nga ma-avail usab sa mga TNVS drivers apan adunay laing proseso alang niini.
Giklaro hinuon ni Montealto nga igo silang moproseso sa mga drivers nga maka-avail sa SAP ug kinahanglang kuhaon ang hinabang sa buhatan sa DSWD.
Paninguhaon mismo sa LTFRB-7 nga maabagan ang mga drivers nga apektado sa gipatumang enhanced community quarantine sa labing daling panahon.
