Giablihan sa Quezon City ang usa ka FIFA-grade football field sa Amoranto Sports Complex.
Tungod niana, magamit na karon sa mga mahiligon sa football ang world-class nga sports facility alang sa training, kompetisyon sa football, ug mga torneyo.
Lakip sa mga feature sa bag-ong giablihan nga pasilidad mao ang taas nga kalidad nga turf grass nga adunay FIFA-compliant markings, moderno nga trench drain ug drainage system, dekalidad nga bleachers, ug uban pa.
Sumala sa lokal nga gobyerno sa siyudad, ang bag-ong proyekto kabahin sa inisyatibo sa Quezon City aron ma-upgrade ang mga pampublikong pasilidad sa sports ug mapalambo ang aktibong estilo sa kinabuhi, pagpalambo sa grassroots sports, ug panaghiusa sa komunidad pinaagi sa sports.
Ang QC maghatag usab og libre nga mga football clinic matag Sabado gikan sa alas 7:00 sa buntag hangtod alas 11:00 sa buntag.
