CEBU CITY-Gipasabot ni Atty. Rey Galeon ang tigpamaba ni Cebu City Mayor Edgardo Labella nga tugutan ang paghumaway sa mga QR coded quarantine passes gumikan kay dili pa kini kaigo sa matag household.
Giangkon ni Galeon nga kuwang pa ang mga Quarantine Pass (QP) apan gihangyo niini ang tanang barangay officials nga basi sa data nga ila usab nga gisumiter sa buhatan sa mayor nga ihatag gyud sa matag panimalay ang QP.
Ug gumikan kay dili paman kini makaigo, gitugutan usa karon nga inay nga personal nga pangalan ang ibutang sa QP, pangan sa village,compound o condo ang ibutang aron nga maghuwamay lang una samtang wala pa kini naapud-apud sa matag household.
Hinoon, gitataw usab sa tigpamaba sa mayor nga andam mudawat ang city administrators office sa mga reklamo o problema nga masugatan sa publiko kalabot niini.
Dugang pa ni Galeon nga napasabot na matud pa ang PNP ug mga tanod niini nga tugutan lang ug pagawason sa barangay ang makapresentar sa QP nga wala nakabutang ang ilang pangalan.
Apan gipahinumdom ni Galeon nga dili lang gyud kini i-tamper o diba kaha sundogon o i-photocopy sanglit masakpan man gyud kini ug sigurado usab nga sikopon.
