Quebec health ministry, link sa Pornhub ang nai-tweet inay nga COVID-19 portal

CEBU – Usa ka dako nga oops! ang nahitabo sa usa ka tweet sa Quebec health ministry bag-o lang sa Canada.

Kini human inay nga portal sa COVID-19 mapunta ang mo-click sa link nga nakabutang sa tweet, adto na hinuon kini mapunta sa adult video site nga Pornhub.

Sumala sa usa ka taho, gitangtang dayon sa ministeryo ang tweet sa dihang nahibal-an ang sayup ug bahin sa “foot fetishes” sa Pornhub nga gi-post nga link.

Gisusi na usab nila ang insidente.

Adunay kapin 100,000 ka followers ang ministry Twitter ug adunay managlahing reaksyon ang mga netizens sa dihang makita ang link adunay uban nga nalingaw, nauwaw ug nasagmuyo.

Gikonsiderar ang Pornhub nga world’s most-trafficked websites nga nakabase sa Montreal ug gipanag-iya sa MindGeek.