CEBU CITY-Gibisita ni Cebu City Mayor Edgardo Labella ang Quimonda building human nakadawat ug mensahe ang mayor gikan ni Harold Alcontin sa disaster team nga matud pa nakamatikod ug pag-uyog ang mga trabahante sa maong building.
Kini ang gibutyag ni Razel Cuizon ang Public Information Officer sa Cebu City. Sigon pa nga pasado alas-11 sa buntag kagahapong adlawa gi-abandonar ang building sa mga trabahante ubos na sa kamandoan ni Mayor Labella ug rekomendasyon sa structural engineer nga gi-aprobaran ni Judge Hadji Razul nunot na usab sa linog nga nahitabo sa Mindanao Area
Wala pay kasiguradoan ug makabalik na sa adlawng Lunes ang mga trabahante sa Quimonda building gumikan kay mag depende pa sila sa report sa structural engineer.Hinuon wala man nakita nga pagpangliki sa maong building subay na sa pagtay-og nga nabati sa mga trabahante.
Gitataw hinoon ni Cuizon nga dali gitawgan ni Labella ang PHIVOLCS sa pagsuta kung aduna bay record nga natala nga linog sa dakbayan apan negative. Hinuon matod pa andam mutabang ang city govt. sa pagpangita ug lugar kung ugaling delikado gyud ang Quimonda building. (Lahvi Quiñones)
