Gisugdan sa Rain or Shine Elasto Painters sa kadaugan ang ilang unang kompetisyon sa ika-49 nga season sa PBA Governors’ Cup.
Kini human gipildi ang Blackwater Bossings sa iskor nga 110-97 sa duwa nga gipahigayon sa Araneta Coliseum.
Si Aaron Fuller maoy nahimong bida sa kadaugan sa Painters, nga nitala og 24 puntos, 19 ka rebounds, duha ka assists, usa ka steal ug usa ka block.
Samtang ang rookie nga si Caelan Tiongson nitala usab og 15 puntos, lima ka rebounds ug duha ka assists samtang si Santi Santillan adunay 12 puntos ug laing rookie nga si Felix Lemetti mitala og 11 puntos.
Sa sinugdanan pa lang, nahuptan na sa Painters ang bintaha diin niabot og 21 puntos ang ilang labaw sa third quarter hangtod nga napugos ang Blackwater sa paggukod niini.
