CEBU CITY-Gihangop sa mainitong suporta ang gipahigayon nga Cebu People’s Indignation Rally batok sa impeachment, corruption, oppression, illegal drugs ug criminality nga gipasiugdahan sa hakbang ng Maisug, niadtong Pebrero 22, 2025 sa Pasilong sa Paradise, Barangay Guizo, dakbayan sa Mandaue.
Diin liboan ka mga tawo ang misalmot aron sa pagsaksi sa panagtapok hilabi na nga anaa ang presensya sa kanhi-Presidente nga si Rodrigo Duterte nga maoy ‘main’ nga namulong.
Nagkahiusa ang mga Supporters sa pamilyang Duterte human si kanhi Presidente Rodrigo Duterte mihatag sa iyang pakigpulong sa maong Rally.
Sa iyang pakigpulong, usa sa mga nahimong highlight niini sa dihang si kanhi Presidente Duterte niingon nga si Presidente Ferdinand Marcos Jr. kay mosunod sa tunob sa iyang amahan diin nitipas ngadto sa usa ka diktadurya.
Ingon man nga kusganong gituohan sa kanhi nga paingon mag-martial law si Presidente Ferdinand “Bongbong” Marcos Jr. ug musunod sa iyang amahan.
Ingon man nga nagmalampuson gihapon ang nahitabong rally gabii bisan paman sa gipaambit ni Pro DU30 Blogger nga si Ernest “Jun” Abines, ang Lead Convenor sa Hakbang ng mga Maisug sa Cebu diin una kini nga mipadayag sa iyang emosyonal nga habig kabahin sa giingong gisulod sa mga pulis ang ilang panimalay nga anaa sa 12 kabuok nga gikan pa sa Manila Police ug gipadala ni CIDG chief Police Brigadier General Nicolas Torre III, aron magsilbi sa Search Warrant kalabot sa cyber libel case nga gipasaka batok kaniya.
Matud niini nga milungtad og upat (4) ka oras ang pagpangita sa iyang PC ug Cellphone diin nagduda kini nga gi-hack sa Pulis ang iyang Social Media ug Email account.
Dugang ni Abines nga nakahilak kini dili tungod sa giingong pagpangharass sa mga pulis sa iyaha apan naluoy kini sa mga Pilipino ug sa Pamilyang Duterte.
