CEBU CITY-Mihatag og katin-awan si Cebu City Mayor Micheal Rama sa gihimong pagpang-clamp sa mga sakop sa Cebu City Transportation Office (CCTO) niadtong tapos sa semana sa atubangan sa Sirao garden.
Gipatawag na ni Rama ang mga dagkong opisyales sa turismo karong adlawa arun husayon ug hisgutan ang maong isyu.
Kahinumduman, nga adunay usa ka turista nga nipadayag sa iyahang reklamo nga gi-isyuhan og illegal parking apan, matud pa sa mayor nga nakadawat una ang CCTO og reklamo sa ‘rampant illegal parking’ hinungdan nga gi-aksyunan nila kini.
Giklaro usab ni Rama nga hagbay ra nga gimando-an si Konsehal Gerry Guardo sa pagpahawan sa maong lugar ug hugot nga gidili ang ‘roadside parking’ nga makaperwisyo sa publiko.
Gihimug-atan usab niini ang hugot nga pagpatuman sa balaud sa ‘no parking’ aron makab-ot ang Singapore like-Cebu City.
Mibahad pa kini sa mga tag-iya sa tourist site nga sirad-an kon gani dili motuman sa mga balaud.
