CEBU – Dili magpu-asa ang syudad sa Sugbo sa mga umaabot nga proyekto ug programa gikan sa national government gumikan sa umaabot nga paglingkod ni presumptive president Ferdinand ‘Bongbong’ Marcos, Jr.
Milaum si Cebu City Mayor Michael Rama nga dili talikdan ni Marcos, Jr. ang syudad sa Sugbo nga usa sa lugar lukop Pilipinas nga nagpadaug niini.
Matud ni Rama nga misuporta kini sa kanhi senador sa pagka-presidente niini hinungdan nga siya nagmalaumon nga dili maglisod ang syudad sa pagpangayo ug abag gikan sa national government.
Kahinumdoman nga niadtong nakalabay nga 2014 kung diin si Rama usab ang mayor sa syudad kay susama nga nagpu-asa kini sa mga proyekto ug programa gumikan kay dili niini kaalyado ang mitaliwan na nga kanhi presidente Benigno Simeon ‘Noynoy’ Aquino III.
