CEBU – Gipasigarbo ni Cebu City Mayor Mike Rama nga sa iyahang administrasyon nabayaran sa hingpit ang utang sa syudad sa Japan International Cooperation Agency (JICA) alang sa pagmugna sa South Road Properties (SRP).
Matud ni Mayor Rama nga nalangay ang pagbayad sa SRP gumikan sa matag adlaw nga P1-million penalty nga bayran sa syudad hinungdan nga dugay kini nga na-fully paid.
Giingong inay nga gamiton ang halin sa SRP alang sa mga basic services sa syudad, magamit na hinuon kini sa pagbayad sa penalty.
Human nga nahuman ang kaso nga gipasaka sa BOPK sa dihang nahalin ug P16 billion ang 25 nga ektarya sa SRP diin napamatud-an nga legal ang pagkahalin niini hinungdan nga ilaha nang nagamit ang maong kantidad ug nabayaran sa hingpit ang utang sa syudad sa JICA.
