CEBU CITY-Nanawagan og pag-ampo si Cebu City Mayor Michael Rama nunot sa hilabihang kainit nga nasinati ug kakuwang sa tubig sa dakbayan sa Sugbo.
Diin gi-awhag ni Rama ang tanang Sugboanon nga mag-ampo ug dili mohunong sa pag-ampo alang sa pagbunok sa ulan.
Ang Oratio Imperata usa ka Romano Katoliko nga pag-ampo nga ipanalangin sa publiko sa panahon sa grabeng panginahanglan o kung adunay mahitabong kalamidad.
Gisaysay ni Rama nga mibisita kini sa bukirang mga barangay sa dakbayan sa milabayng adlaw aron mang-apud-apod og mga baril ug mga hose nga magamit sa mga mag-uuma ug nasaksihan ang mga tinanom nga nangalaws ug nangalata tungod sa nagpadayong huwaw.
Sa maong pagbisita ni Mayor Rama sa kabukiran, nipahinumdom siya sa mga tawo nga mananom og kahoy aron makatabang sa pagpahiuli sa kahimtang sa kalikopan ug sa kinaiyahan.
