CEBU CITY-Dili na i-duso ang regulasyon sa mga drone sa dakbayan sa Sugbo human gi-dili ni Cebu City Mayor Michael Rama ang ordinansa nga gi-author ni Konsehal Rey Gealon.
Sa iyang suwat nga gitumong ngadto sa konseho, si Rama niila sa mga sakop sa konseho sa inisyatiba sa paghimo sa ordinansa, ilabi na nga nalambigit kini sa teknolohiya nga daghan og aplikasyon.
Ang kopya sa iyang suwat nalakip sa regular session agenda sa konseho niadtong Miyerkules, Nobyembre 8.
Kahinumduman nga, niadtong Oktubre 4, 2023, giaprobahan sa Konseho sa Siyudad ang ordinansa nga nagdili sa ilang paggamit sa pagpanalipod sa pribasiya, seguridad ug kaayohan sa mga lungsoranon ug mga ahensya sa gobyerno nga gisuwat ni Counsilor Rey Gealonn, nga mo-regulate sa pag-gamit sa dili rehistrado ug remotely piloted aircraft o drones sa Cebu.
Ubos sa mandato sa Civil Aviation Authority of the Philippines (CAAP) gimanduan sa Republic Act 9497 sa paghatag og komprehensibo nga giya sa palisiya alang sa promosyon ug pagpalambo sa industriya sa aviation sa Pilipinas.
Dugang pa nga ubos niining Philippine Civil Aviation Regulations (PCAR) ang CAAP giproklamar ang mga regulasyon sa pagdumala sa mga drone.
Ang mayor niingon nga ang paggamit sa mga drone nga ubos sa 7 kilos ang gibug-aton tugotan sa CAAP bisan og walay CAAP certificate, apan gidili sa ordinansa ni Gealon.
Apan, ang mga tag-iya sa wala narehistro nga mga drone sa dakbayan sa Sugbo makasalig nga maka-operate na sa ilahang aerial gadgets nga walay kahadlok sa mga epekto niini.
Gisulti ni Rama nga maka-pakgang ang maong balaod sa creative growth sa photography ug film student kung dili kini masugtan nga ma-gamit ang drones sa mga government facilities.
Mipadayag usab kini sa kabalaka kung ang mga ma-minyo dili na makagamit og drone shots sa ilahang mga pre-nuptial shots.
