CEBU CITY-Gipasabut ni Atty. Abelardo Quilaton, Jr. ang legal Counsel sa singer/rapper nga si Jed Andrew Salera, nailhang Range 999, nga Technically,ubos sa atong balaod, sulod sa labing taas nga 36 ka oras, kinahanglan na kining buhi-an kay dili na kini subject for ‘inquest proceedings’, apan ubos sa ‘regular preliminary investigation proceedings’.
Gitino niini nga kini naa sa atuang balaud ug ang balaud maoy iyahang gipa-istorya,nga kinahanglan sa ‘preliminary investigation’ mag-una og complaint, taga-an og chance ang pikas party para mohatag og ‘judicial counter-affidavit’ kung diin mao kini dapat ang proseso.
Gidugang niini, nga ang 36-oras nga reglementary period sa pagpasaka sa kaso nilapas na niadtong Martes mga alas 8 sa gabii Marso 19, 2024.
Gipasabot niini nga matawag kini nga ‘arbitrary detention’ human mapakyas sa pagpasaka og kaso niadtong Miyerkules Marso 20, 2024.
Una niini, gitino ni Police Major Romeo Caacoy Jr., hepe sa Mabolo Police Station, nga ‘Murder’ ang ipasaka batok kang Salera,human ang 37-anyos nga American national nga iyang gipusil nakabsan sa kinabuhi sa usa ka tambalanan.
Dugang pa ni Caacoy nga kon mapasaka sa korte ang kasong murder dili kini maka-piyansa ug kung malutsan siya og commitment order i-transfer ngadto sa Cebu City Jail.
Kung kahinumduman, nga si Salera, nakita sa CCTV footage, kinsa maoy mipusil kaduha sa usa ka langyaw gawas sa usa ka club sa usa ka hotel sa Barangay Lahug, dakbayan sa Sugbo niadtong Marso 17, 2024.
Ang American national naigo sa paa ug sa ubos nga bahin sa iyang dughan.
Gikataho nga milapos ang bala sa lawas sa langyaw ug posibleng naigo kini sa vital organ nga maoy hinungdan sa iyang kamatayon.
