CEBU CITY- Pipila ka adlaw na ang nilabay human migawas ang resulta sa Mechanical Engineering Board Exam, hangtod karun ‘overwhelmed’ gihapon ang nag Rank 1 nga si Engineer Nico Anthony Ferenal Tejano.
Kini ang iyahang gipa-ambit sa Bombo Newsteam, atol sa pakighinabi kaniya nga human niya nakita ang resulta, napuno sa ambak, ug hilak ang ilang panimalay sa Purok Talong, Tuyan, City of Naga, Cebu.
Gisaysay ni Engineer Tejano, nga bata palang siya hilig na siya ug ganahan na siya og mga numbers.
Hinungdan, nga sukad sauna sunodsunod nga kompetisyon nakapabalhin niya sa academic quiz bowls, robotics contests, ug bisan sa usa ka rocket-launching competition sa India, diin mapasigarbuhon siyang nagrepresentar sa Pilipinas.
Apan luyo sa mga medalya ug mga sertipiko mao ang usa ka pamilya nga nagsakripisyo sa tanan alang sa iyang edukasyon.
Hinungdan, nga mas gipili niya ang cash incentive kaysa brand new car gikan sa iyahang unibersidad.
Kana aron sa ingon makatabang kaniya og sa iyahang mga igsuon nga nagtungha pa usab.
Gipa-ambit usab niini, nga iyahang gihangad ang iyang mga magulang nga babaye, kinsa parehong mga iskolar sa kolehiyo nga migradwar nga adunay pasidungog.
Nagtan-aw kanila nga naglahutay bisan pa sa mga kalisdanan, naghimo siya usa ka hilom nga panaad, buhaton usab niya ang ingon.
Hinungdan,nga migradwar siya isip Magna Cum Laude sa University of Cebu-Main Campus sa kursong Bachelor of Science in Mechanical Engineering.
