CEBU- Wala nahimong babag ang kalisod sa pinansyal sa usa ka Sugboanon nga nakasulod sa topnotchers list sa February 2025 Mechanical Engineers Licensure Examination.
Mao kini ang gipaambit ni John Rey Bellita Fabre, anaa sa ika-10 nga pwesto nga adunay rating nga 88.90%, diin mao kini ang nag-una nga nakahatag kaniya og kabalaka tungod kay adunay bayad ang mga review center ug sa dihang migradwar kini sa kolehiyo wala dayon makakita og trabaho si Fabre.
Apan, tungod sa suporta nga iyang nadawat gikan sa iyang pamilya kay nahimo kining imposible ug gani ang iyang gi-ampo kay makapasar lang, igo na, apan tungod sa iyang kakugi ug paningkamot nakasulod pa kini sa top 10.
Ingon man nga bisan paman nga wala niya damha ang maong pagkalakip sa ranking, dako ang iyang pasalamat sa tanang misalig ug sa makakagahom sa kahitas-an.
