Rapper d4vd, gidakop tungod sa giingong pagpatay sa usa ka dalagita

Gidakop ang usa ka rapper nga nailhan nga si D4vd tungod sa giingong pagkalambigit sa pagpatay sa usa ka dalagita nga unang gitaho nga nawala sa miaging tuig.

Sumala sa mga taho, si David Anthony Burke, nga giingong tinuod nga ngalan sa rapper, giila nga suspek sa maong krimen nga may kalabutan sa biktima nga si Celeste Rivas Hernandez.

Gipadayag nga ang patayng lawas sa biktima nakit-an sulod sa usa ka sakyanan niadtong Setyembre.

Sa laing taho, giingon usab nga ang lawas sa 14-anyos nga babaye gisulod sa usa ka bag nga nakita sa maong sakyanan.

Namatikdan nga ang lawas sa biktima nadugta na, ug gituohan sa mga imbestigador nga dugay na kining namatay sa wala pa kini nadiskobrehan.