Rapper nga si Kodak Black, kasamtangang nagtingkagol sa Florida

Gidakop sa mga pulis sa Florida ang US rapper nga si Kodak Black, diin sumala sa prisohan sa Broward County, nag-atubang siya og mga kaso sa law enforcement ug resisting an officer without violence.

Sa kasamtangan anaa na sa kustodiya ang rapper sa duha ka kaso ug nalista nga nagpaabot sa husay.

Gipasabot sa iyang abogado, si Bradford Cohen, nga boluntaryo siyang misurender ug ang imbestigasyon mahimong molungtad hangtod sa lima ka bulan.

Mahinumduman nga sa miaging semana ang rapper gidakop tungod sa mga kaso sa pagpamaligya og droga, diin nakadiskubre ang mga pulis og mga 25 gramos nga MDMA human sila miresponde sa usa ka pagpamusil duol sa balay ni Kodak.

Nagpiyansa siya og $75,000 ug gimandoan nga magpalayo sa ilegal nga droga.