Gipalit sa Filipino billionaire ug tycoon nga si Enrique K. Razon Jr. ang pinakadako nga independent oil producer sa Colombia sa usa ka kasabutan nga gitan-aw nga usa ka dakong lakang sa pagpalapad sa iyang negosyo sa sektor sa enerhiya sa gawas sa nasud.
Ang maong transaksyon mao ang unang major overseas energy deal ni Razon.
Nahimo ang kasabutan tali sa Prime Infrastructure Capital Inc. (Prime Infra), ang infrastructure unit ni Razon, ug sa SierraCol Energy Limited, nga kaniadto gipanag-iya sa The Carlyle Group.
Pinaagi sa maong deal, makabaton ang Prime Infra og kontrol sa kompanya nga responsable sa gibana-bana nga 10 porsyento sa kabuuang produksiyon sa lana sa Colombia, usa sa mga nag-unang oil-producing countries sa Latin America.
Ang transaksyon ipailalom pa sa mga pagtugot sa regulasyon, ug gilauman nga matuman o masirado sa unang quarter sa 2026.
Gitan-aw sa mga analista nga ang maong kasabutan makatabang sa pagpalig-on sa suplay sa enerhiya sa Nasud, ilabi na sa panahon nga nagpabiling sensitibo ang global oil market tungod sa nagpadayon nga tensiyon sa Middle East nga nakaapekto sa presyo sa krudo sa kalibutan.
