Red Lantern Festival sa dakbayan sa Sugbo, nagmalampuson sa ikaduhang higayon

CEBU CITY-Malampuson nga gisugat sa Red Lantern Festival ang tuig sa Wood Dragon gahapong adlawa sa Plaza Sugbo.

Nasayran nga pinaagi sa Cebu City Tourism Commission, ang Red Lantern Festival isip timaan sa pagsaulog sa malungtarong panaghigalaay sa mga Sugboanon ug mga Insik.

Diin gihimug-atan usab ni Cebu City Mayor Michael Rama nga gumikan ang dakbayan sa Sugbo usa ka China City ug tungod sa maayong relasyon tali sa duha sulod sa dugay na nga panahon, angayan lang kini nga hatagan og pagtagad.

Ingon man nga mipadayag og pasalamat si Peoples Republic of China Consul General Zhang Zhen gumikan nagmalampuson ang maong kalihokan nga gitambungan ug pipila ka mga tunghaan sa mga chinese ug mga indibidwal nga misaksi sa mga pasundayag