Natapos sa top 6 sa Miss International Queen 2026 si Red Spiegelman sa Pilipinas, human wala nakaabot sa Top 3 atol sa coronation night nga gipahigayon niadtong Sabado, Setyembre 19, sa Pattaya, Thailand.
Nakauban ni Spiegelman sa Top 6 sila si Catalina Vallejo sa Colombia, Ines Mess sa France, Lo Colby sa Estados Unidos, Saki Iwai sa Japan, ug Theerachaya Pimkitidaj sa Thailand.
Gikan sa Top 6, tulo lang ang makaabante sa final round. Si Spiegelman wala nakaabot sa Top 3, ang mga kandidata lang gikan sa Estados Unidos, Thailand, ug Japan ang nakaabot sa finals.
Sa katapusan, si Lo Colby sa Estados Unidos ang opisyal nga gikoronahan nga Miss International Queen 2026, diin gihatagan niya ang ilang nasud og back-to-back nga kadaugan human usab midaog si Midori Monet niadtong 2025.
Samtang, si Fuschia Anne Ravena sa Pilipinas mao ang katapusang nakahupot ug nakadaog sa maong korona niadtong tuig 2022.
