Midaog sa presidential elections sa Iran ang repormistang si Masoud Pezeshkian.
Diin gipildi ni Pezeshkian ang iyang kaatbang sa usa ka dako nga labaw.
Nahitabo kini taliwala sa grabe nga tensiyon sulod ug gawas sa ilang nasud.
Sa 30.5 milyon nga mga boto nga giihap sa run-off niadtong Biyernes, si Pezeshkian midaog og labaw sa 16.3 ka milyon.
Iyang gipildi ang iyang ultraconservative rival nga si Saeed Jalili, kinsa nakakuha og 13.5 million, sumala sa Iran media.
Nasayran nga 49.8% lang ang kinatibuk-ang turnout sa mga botante.
Napili si Pezeshkian sa ikaduhang hugna sa pagboto human makadawat sa pinakataas nga ihap sa mga balota.
Ang bag-ong presidente mao’y mopuli ni Presidente Ebrahim Raisi, kinsa namatay sa pagkahagsa sa helicopter niadtong Mayo 19, 2024.
