Cebu City-Hugot nga seguridad ang gipatuman hilabi na sa mga billeting areas sa mga delegado sa nagpadayon nga PRISAA 2018 didto karon sa probinsya sa Bohol.
Matud ni Father Vic Uy ang presidente sa PRISAA 2018 nga hugot nilang gipatyuman ang curfew sa matag billetingh station ingon man ang proper conduct sa mga tinun-an. Apil na niini ang no smoking hilabi na sa mga delgates sa senior division. Matud niini nga sa ikatulong adlaw sa pagpahigayon sa maong sporting event , wala silay nadawat nga mga complaint kon mga primary concern sa matag delegado.
Sa pinaka uwahing medal tally, sa youth division naapsan sa Region 6 ang Region 7 nga karon duna nay 79 ka mga medalya diin 33 niini gold medal samtang ang region 7 duna lamang 50 ka mga medalya.
Naa sa ikatulong pwesto ang Region 10 nga dunay 11 ka gold medal, ika upat ang CAR nga dunay 7 ka gold medal ug naa sa ika lima ang Region 2 nga dunay 6 ka gold medal.
Sa senior division, nag una gihapon ang region 7 nga dunay 37 ka gold medal, gisundan sa Region 9 nga dunay 16 ka gold medal, Region 6 nga dunay 13 ka gold medal, region 12 , 12 ka gold medal ug region 5 nga dunay 9 ka gold medal.
