CENTRAL VISAYAS-Personal nga gitunol sa Police Brigadier General Anthony, ang Regional Director sa Police Regional Office in Central Visayas (PRO 7) ang Medal of Excellence o PNP Heroism Medal ngadto sa pamilya ni Police Corporal Gilbert Amper sa ilang panimalay sa lungsod sa Calape isip pag-ila sa iyang bayanihong buhat.
Kung kahinumduman, nga napatay si Amper sa komprontasyon sa komunistang grupo niadtong Biyernes sa buntag, Pebrero 23, 2024, sa lungsod sa Bilar, Bohol.
Kauban ni Aberin sila si Police Major General Robert Rodriguez, acting commander sa Area Police Command-Visayas, ug pipila ka mga opisyal sa Philippine Army sa Bohol.
Gawas sa medalya, nakadawat usab ang pamilya og tseke nga nagkantidad og P1 milyon gikan sa Public Safety Mutual Benefit Fund, Inc. (PSMBFI), lakip na ang cash assistance gikan sa PRO 7.
Samtang ang samdan nga si Police Corporal Gerard Avila Rollon, nahatagan usab og Sugatag Magiting Medal ug salapi, nga ang kantidad wala gipahibalo ni Bohol Provincial Police Office (BPPO) Spokesperson Lieutenant Colonel Norman Nuez.
Una na nga mihatag og P100,000 gikan sa iyang kaugalingong bulsa si Bohol Governor Erico Aristotle Aumentado og pinansyal nga suporta sa pamilyang Amper.
Siya nisaad nga sa umaabot nga mga adlaw makadawat og hinabang gikan sa Bohol Provincial Government ang mga pamilya sa naangol nga opisyal ug sa namatay nga polis.
